तांदूळ, गहू आणि भरड धान्य मोफत देणार सरकार

कृषी लक्ष्मी । ३ जानेवारी २०२३ । 23 डिसेंबर रोजी केंद्रीय मंत्रिमंडळाने NFSA अंतर्गत एका वर्षासाठी मोफत अन्नधान्य वितरणास मान्यता दिली होती. या कायद्यांतर्गत आतापर्यंत 81.35 कोटी लोकांना लाभ मिळाला आहे.

केंद्र सरकारने राष्ट्रीय अन्न सुरक्षा कायद्यांतर्गत (NFSA) 81.35 कोटी लाभार्थ्यांना एक वर्षासाठी मोफत अन्नधान्य देण्याचे काम रविवार म्हणजेच 1 जानेवारीपासून सुरू केले आहे. खरं तर, अन्न मंत्रालयाने शनिवारी जाहीर केले होते की 1 जानेवारी ते 31 डिसेंबर 2023 पर्यंत तांदूळ, गहू आणि भरड धान्य NFSA च्या कलम 3 अंतर्गत सर्व लाभार्थ्यांना मोफत वाटले जाईल. तथापि, घोषणेमध्ये असेही म्हटले आहे की मध्यान्ह भोजनासारख्या इतर कल्याणकारी कार्यक्रमांसाठी राज्यांना पुरवल्या जाणार्‍या अन्नधान्याच्या उत्पादन किंमतींमध्ये कोणतेही समायोजन केले जाणार नाही .